東華主席王賢誌卸任在即　汪明荃溫馨提示王賢誌：做Show同做慈善一線之差

48歲藝人兼東華三院主席王賢誌（Vinci）上周五（2月22日）於伊利沙伯體育館舉辦任內最後一個大型項目《誌友共聚》慈善音樂會，現場星光熠熠，李珊珊的出現更成為音樂會的焦點。昨日（2月24日）汪明荃（Liza姐）在個人社交媒體上載跟王賢誌（Vinci）合照，並附上汪明荃（Liza姐）在台上給王賢誌（Vinci）的一段話。

汪明荃除在個人社交媒體上載跟王賢誌合照，並附上在音樂會上分享逾700字的講稿，內容主要是以前輩的方式，回憶Vinci任職東華三院主席的努力，並且提點Vinci不能自滿，更要感恩幕後團隊的付出。

▲ 汪明荃常常提點後輩。（取自汪明荃IG）

Liza姐的帖文以「昨晚台上給王賢誌主席的一番話」為開首，以前輩的角度為Vinci過去一年的表現作總結：「上年差唔多呢個時間，我喺Vinci嘅就職禮，講過希望佢喺東華主席呢個崗位上面，可以盡情發揮；今次大會再邀請我出席Vinci任內最後一個大型活動，我都好想知道，上任一年，佢到底有冇辜負大家嘅期望。」

Liza姐更搜羅過去一年有關於Vinci工作上的報導，Liza姐先稱讚Vinci相當勤力，短短一年參與的活動相當多，差不多每月出席十多個活動。相信Vinci對東華三院的貢獻大家有目共睹。

▲ 汪明荃在音樂會上獻唱。（取自汪明荃IG）

而美足不足的是，對於Vinci舉辦的活動，媒體多以「碌．人．情．卡」形容，Liza姐因此提點Vinci，不要忘記背後一起付出的團隊。

Lisa姐寫道：「要感激返你家族建立嘅慈善網絡、東華三院過百年建立嘅基業、同埋呢一年，你講一句，之後就幫你衝鋒陷陣、捱更抵夜嘅東華團隊，有佢哋做你嘅後盾，你呢張人情卡，先至可以咁有份量，令你得到咁光輝嘅成績！」

Liza姐更道出：「做Show同做慈善，其實係一線之差。做Show，只係希望大家留意台前嘅表演者；做慈善，係想大家關心背後嘅受惠者。」提點作為慈善活動的最大目標。

▲ 王賢誌早前到新光戲院探汪明荃班。（取自汪明荃IG）

最後更寄語Vinci：「所以，如果你今年嘅努力，只係令大家記得Vinci碌咗好多巨星嚟做Show，我覺得未算成功；但係，如果你嘅努力係觸發到大家支持東華，幫助到真正有需要嘅人，我覺得咁先算得上係圓滿！」

Vinci其後更在facebook感謝Liza姐很早便鼓勵及支持自己加入東華三院，傳承家族行善之路，服務社會，幫助別人。卸任後會好好把握下一個機會, 將一直以來累積的寶貴經驗和豐富人脈加以運用, 為社會大眾再作貢獻。